الاولويات

هنفضل طول عمرنا نتكلم
ماحنا بنحب الكلام وكل مشكلنا بنحلها بالكلام والحوارات والقاعدات البلدى
ياريت نصحى بقا ونفوق
 احنا قاعدين نتكلم واعدائنا بتشتغلوا ومش ساكتين
الفرق اللى بينا وبينهم انهم محدديين هدفهم عارفين عاوزين  ايه
فمره يضربنا فى بعض مسلم ومسيحى
ومره مصرى وسلفى
ومره شعب ووزير
 ومره فى السولار والبتوجاز
 والمره الجايه سكر وزيت
واللى بعدها شعب وجيش
كل ده واحنا لسه بتكلم ونتحاور
دستور ولا تعديل دستور
نعم ام لا
نحبس المخلوع ولا نعفو عنه
ناخد فلوسنا من العصابه ونسيبهم ولا  لازم نحاكمهم
نخش الحمام برجلنا اليمين ولا الشمال
المشكله بقا ان كله بيتكلم ومحدش مقتنع بكلام حد
طيب ايه رائيكوا لما نخلى كل واحد يتكلم ويقول فى الموضوع اللى يقدر يفيد فيه
ماينفعش مثلا مهندس يتكلم فى اقتصاد ولا دكتور يتكلم فى امن ولا صحفى يتكلم عن امراض ولا حزب وطنى يتكلم عن مستقبل البلد
اكيد كل واحد لما يتكلم فى تخصصه ليكون افيد
بس بعد ما نحدد الاولويات ونخلص النيات لله سبحانه وتعالى
طب ايه الاولويات دلوقتى
متهايلى الاولويات فى الوقت الراهن هى
الاقتصاد
الامن الداخلى
الانتخابات والدستور
محاكمات عادله للنظام السابق 
 دول ركائز مهمه فى الفتره ديه وبنفس التريتب
بعد كده  نتكلم بقا على الخطط المستقبليه والاستيريجيات قصيره الاجل وطويله الاجل
للاسف اختلفنا قبل ما نتفق على الاسياسيات
 بنى وطنى  اتفقوا اتفقوا اتفقوا

نعم هناك نقاط خلاف فننتركها الان ونلتف سويا لنحقق نقاط الاتفاق

اللهم اعاننا على انفسنا ولا تكلنا اليها طرفة عين
انت الموفق والمستعان